Jagdish Patil
रिलायन्स इंडस्ट्रीजचे अध्यक्ष मुकेश अंबानी यांच्या संपत्तीत मागील वर्षात तब्बल 1 लाख कोटींची घट झाली आहे.
त्यामुळे आता मुकेश अंबानी जगातील टॉप 10 श्रीमंतांच्या यादीतून बाहेर पडले आहेत.
मात्र, आशियातील सर्वात श्रीमंत व्यक्ती म्हणून ते आताही पहिल्या क्रमांकावरच आहेत.
तर सतत महाराष्ट्राच्या राजकारणात चर्चेत असलेल्या गौतम अदानींच्या संपत्तीत 1 लाख कोटींची वाढ झाली आहे.
याबाबतची माहिती 'हुरुन ग्लोबल रिच लिस्ट 2025' मध्ये देण्यात आली आहे.
अंबानींच्या संपत्तीत घट होण्याला रिलायन्स समूहातील काही कंपन्यांवरील वाढता कर्जाचा बोजा, रिलायन्सच्या ऊर्जा, किरकोळ विक्री क्षेत्रातील मंदावलेली वाढ कारणीभूत ठरली.
तर त्यांच्या कंपन्यांच्या शेअर्सच्या किमती घसरल्यामुळे त्यांच्या वैयक्तिक संपत्तीत घट झाल्याचंही सांगितलं जात आहे.
अदानींच्या संपत्तीत 13 टक्क्यांची वाढ झाली आहे. त्यानुसार आता त्यांची संपत्ती 8.4 लाख कोटी झाली आहे.
तर जगातील सर्वात श्रीमंतांच्या यादीत टेस्लाचे CEO एलॉन मस्क अव्वल स्थानावर कायम आहेत, त्यांची एकूण संपत्ती 34.8 लाख कोटींवर पोहोचली आहे.