Jagdish Patil
जिद्द, कष्ट करण्याची तयारी आणि योग्य मार्गदर्शन असेल तर यश मिळवणं अवघड नसतं. याचं उत्तम उदाहरण म्हणजे रूपल राणा यांची सक्सेस स्टोरी आहे.
UPSC परीक्षेत 26 वी रँक मिळवणाऱ्या रुपल राणा यांना कमी वयातच अनेक समस्यांचा सामाना करावा लागला.
मूळच्या यूपीतील बागपतच्या असणाऱ्या रूपल यांनी बरौत येथून प्राथमिक शिक्षण पूर्ण केलं. तर पिलानीच्या बिर्ला इन्स्टिट्यूटमधून 11वी, 12वीचं शिक्षण घेतलं.
शालेय शिक्षणानंतर त्यांनी दिल्ली विद्यापीठाच्या देशबंधू कॉलेजमधून बी.एस्सी. पूर्ण केली.
त्यांचे वडील जसवीर राणा हे दिल्ली पोलिसात ASI म्हणून कार्यरत आहेत.
रुपल यांना UPSC त दोनदा अपयशाचा सामना करावा लागला. मात्र, आई अंजू यांची इच्छा होती की त्यांनी यश मिळवून कुटुंबाचं नावं मोठं करावं.
मात्र, परीक्षेची तयारी करत असतानाच आईचं निधन झालं. तरीही त्यांनी धीर न सोडता अभ्यास सुरूच ठेवला.
आईच्या प्रेरणेमुळेच 2023 तिसऱ्यांदा परीक्षेची तयारी केली आणि यावेळी त्यांनी 26 व्या रँकने UPSC क्रॅक केली.