Aslam Shanedivan
राज्य सरकारच्या सामाजिक न्याय विभागामार्फत 'मुख्यमंत्री वयोश्री' योजना राबवण्यात येत आहे.
ही योजना वयाची 65 वर्षे पूर्ण केलेल्या ज्येष्ठांसाठी असून त्यांना आर्थिक मदतीचा हात देण्यासाठी सुरू करण्यात आली आहे.
सामाजिक न्याय विभागामार्फत या योजनेसाठी 166.30 कोटींची तरतूद करण्यात आली आहे.
65 वर्षे पूर्ण केलेल्या ज्येष्ठांना उद्भवणाऱ्या शारीरिक समस्यांवर मात करण्यासाठी आणि आवश्यक उपकरणे खरेदी करण्यासाठी तीन हजारांची आर्थिक मदत केली जाते.
पात्र ज्येष्ठांना सरकारकडून तीन हजारांची ही आर्थिक मदत थेट बँक खात्यात दिली जाते.
वृद्धावस्थेमुळे येणाऱ्या अडचणींवर मात करण्यासाठी श्रवणयंत्र, चष्मा, वॉकर, काठी, फोल्डिंग चेअर किंवा व्हीलचेअर आदी खरेदी करता यावीत.
योजनेचा लाभ घेण्यासाठी नागरिक मुख्यमंत्री वयोश्री योजनेच्या अधिकृत पोर्टलवर ऑनलाइन अर्ज करू शकतात.
तसेच आपले सरकार सेवा केंद्र (महा-ई-सेवा केंद्र) किंवा पालिकेच्या समाजकल्याण विभागात जावून माहिती घेता येईल.
वय 65 वर्षे किंवा त्यापेक्षा जास्त असावे, कुटुंबाचे वार्षिक उत्पन्न 2 लाखांपेक्षा कमी आणि तो महाराष्ट्र राज्याचा रहिवासी असावा. तसेच गेल्या 3 वर्षात अशा योजनेचा लाभ घेतलेला नसावा.
वयाचा पुरावा, उत्पन्नाचा दाखला, बँक पासबुक, फोटो, डॉक्टरांचे प्रमाणपत्र इत्यादी...