Deepak Kulkarni
म्हाडाकडून सर्वसामान्यांना मुंबईतील हक्काचं घर घेण्याचं स्वप्न पूर्ण करण्याची मोठी संधी उपलब्ध करुन दिली आहे.
म्हाडाने 120 सदनिकांच्या विक्रीची घोषणा केली आहे. 5 फेब्रुवारी 2026 पासून यासाठी ऑनलाइन अर्ज नोंदणीला सुरुवात करता येणार आहे.
हक्काच्या घराचं स्वप्नं पाहणाऱ्यांना https://bookmyhome.mhada.gov.in या संकेतस्थळावर अर्ज भरता येणार आहे.
तुम्हांला म्हाडाच्या या सदनिकांसाठी अर्ज नोंदणी भरल्यानंतर प्रत्यक्ष सदनिका निश्चित करण्याची प्रक्रिया 12 फेब्रुवारी 2026 रोजी सकाळी 11.00 वाजता सुरू होणार आहे. यात ऑनलाइन अर्ज सादर करणं, अनामत रक्कम भरणं यांचा समावेश असणार आहे.
घरासाठी अर्ज करणाऱ्या व्यक्तीचं वय 18 वर्ष पूर्ण असणं बंधनकारक असणार आहे. तसेच आणि ती व्यक्ती भारतीय नागरिक असणे आवश्यक आहे.
आरक्षण प्रवर्गातून अर्ज असेल तर जात पडताळणी प्रमाणपत्र किंवा जातीचा दाखला, आधार कार्ड,पॅनकार्ड, मोबाईल क्रमांक आणि ईमेल आयडी असणं आवश्यक असणार आहे.
म्हाडाकडे घरासाठी तुम्ही अनामत रक्कम भरल्यानंतर बुक माय होम हे बटन दिसणार आहे. त्यात इमारत क्रमांक, विंग आणि मजल्या संदर्भात माहिती तुम्हाला मिळेल.
तुमच्यासाठी सर्वात महत्त्वाची बाब म्हणजे म्हाडाची सदनिका निश्चित केल्यानंतर 48 तासांच्या आत 10 टक्के रक्कम भरावी लागणार असून जर ती मुदतीत भरण्यात आली नाही, तर तुमचा दावा रद्द होऊ शकतो.तसेच अनामत रक्कमही जप्त केली जाते.
तसेच राहिलेली रक्कम भरण्यासाठी तुम्हाला म्हाडाकडून 90 दिवसांचा कालावधी दिला जातो. यात तुमचं जर गृहकर्ज असेल तर बँकेचे प्री-सँक्शन लेटर लॉगिन आयडीवरून अपलोड करणे अनिवार्य असतं. अर्जदारांची फसवणूक टाळण्यासाठी म्हाडाने 9869988000 वर किंवा 022-66405448 या हेल्पलाईन क्रमांकावर संपर्क साधण्याचं आवाहन केले आहे.