Akshay Sabale
वरळी 'हिट अ‍ॅण्ड रन' प्रकरणात शिंदेंच्या शिवसेनेचे उपनेते राजेश शाह यांना अटक केली होती. त्यांना जामीन मंजूर करण्यात आला आहे. त्यानिमित्त राजेश शाह कोण जाणून घेऊया...
राजेश शाह हे मुख्यमंत्री एकनाथ शिंदे यांचे निकटवर्तीय मानले जातात. शिवसेनेतील बंडानंतर शाहांनी शिंदेंना साथ दिली.
शाह त्यांच्या व्यवस्थापकीय कौशल्य आणि नेटवर्किंगसाठी ओळखे जातात. पालघर आणि आसपासच्या भागात त्यांचा चांगला संपर्क आहे.
एप्रिल 2023 मध्ये शिंदेंनी शाहांची उपनेतेपदी नियुक्ती केली. त्याआधी ते पालघर जिल्हाप्रमुख होते. त्यावेळी शिवसेना एकसंध होती.
पालघरमधील एमआयडीसी आणि औद्योगिक क्षेत्रात असलेल्या भंगार व्यवसायावर त्यांचं वर्चस्व आहे. याशिवाय ते बांधकाम साहित्यदेखील पुरवतात.
शाह 2000 सालाच्या आधीपासून राजकारणात सक्रिय होते. ठाणे आणि आसपासच्या भागात ते काम करत होते.
ठाकरेंनी शिंदेंकडे ठाणे आणि पालघरची जबाबदारी सोपवली. त्यानंतर शाह आणि शिंदे एकमेकांच्या अधिक जवळ आले. पालघरमधील शिंदेंचा उजवा हात अशी शहांची ओळख आहे.