मुंबईत 'आव्वाज' कुणाचा? मराठी किती जण बोलतात? हिंदी, गुजराती, दक्षिणात्य किती?

मुंबईची लोकसंख्या किती?

2011 च्या जनगणनेच्या आकडेवारीनुसार मुंबईची (शहर आणि उपनगर) लोकसंख्या 1 कोटी 24 लाख 42 हजार इतकी आहे.

मुंबईत मराठी भाषिक किती?

त्यापैकी 44 लाख 4 हजार मराठी भाषिक आहेत. एकूण लोकसंख्येच्या तुलनेत केवळ 35 टक्के लोक मराठी भाषिक आहेत.

2001 मध्ये मराठी भाषिक किती?

2001 च्या जनगणनेमध्ये 45 लाख 23 हजार मराठी भाषिक होते.

मुंबईत हिंदी भाषिक किती?

मुंबईतील हिंदी भाषकांची संख्या 35 लाख 89 हजार आहे. एकूण लोकसंख्येच्या तुलनेत 25 टक्के लोक हिंदी भाषिक होते.

2001 मध्ये हिंदी भाषिक किती?

तर 2001 मध्ये मुंबईत 25 लाख 88 लोकांनी त्यांची मातृभाषा हिंदी असल्याचे सांगितले होते.

40 टक्क्यांनी प्रमाण वाढले :

2001 ते 2011 या एका दशकात मुंबईतील हिंदी भाषिकांचे प्रमाण 40 टक्क्यांनी वाढले.

गुजराती बोलणारेही लक्षणीय :

मुंबईसह MMRDA भागांत गुजराती भाषिकांची संख्याही तब्बल 22 लाखांच्या आसपास आहे.

दाक्षिणात्यांची संख्या लाखात :

याशिवाय तेलगु, कन्नड, तमिळ आणि मल्याळम या दाक्षिणात्य भाषिकांची संख्या लाखांत आहे.

इतर भाषिकांचा वाढता आलेख :

पंजाबी, बंगाली, राजस्थानी या भाषिकांची संख्याही मुंबईत सातत्याने वाढतीच आहे.

मराठी अल्पसंख्यांक :

थोडक्यात मुंबईत मराठी अल्पसंख्याक आणि इतर भाषिक बहुसंख्याक झाले आहेत, हे नाकारता येत नाही.

महाराष्ट्रात मेगा भरती! फडणवीसांची विधानसभेत मोठी घोषणा