Mumbai News: मुंबई कुणाची? 20 टक्के जमीन 'या' 9 जमीन मालकांकडे

स्लम रिहॅबिलिटेशन अथॉरिटी (SRA) च्या सर्वेक्षणात ही माहिती समोर आली आहे.

राजधानीमधील एकूण 1 लाख एकर जमिनीपैकी सुमारे 34 हजार एकर जमीन राहण्यासाठी योग्य आहे. या जमिनीतील जवळपास 6,800 एकर जमीन या 9 प्रमुख जमीनदारांकडे आहे.

महाराष्ट्राची राजधानी, मायानगरी, उद्योगनगरी मुंबईची 20 टक्के जमिनीवर 9 पारसी ट्रस्ट आणि त्यांच्या कुटुंबियांचा अधिकार आहे.

गोदरेज कुटुंब 3,400 एकर जमिनीसोबत आघाडीवर आहे. ही जमीन विक्रोळी येथील ईस्टर्न एक्सप्रेस हायवे शेजारी आहे.

पिरोजशा गोदरेज यांनी ही जमीन दुसऱ्या महायुद्धाच्या काळात केवळ 30 लाख रुपयांत विकत घेतली होती.

F.E. Dinshaw Trust यांच्याकडे राजधानीत 683 एकर इतकी जमीन आहे. ही जमीन मुंबईच्या मालाड परिसरात आहे. हा ट्रस्ट दुसऱ्या क्रमांकावर आहे.

प्रतापसिंह वल्लभदास सुरजी कुटुंब हे या यादीत तिसऱ्या क्रमांकावर आहे. यांच्याकडे तब्बल 647 एकर इतकी जमीन आहे. ही जमीन भांडुप व आजूबाजूच्या परिसरात आहे.

जी. जी. आर्देशीर ट्रस्टच्या नावावर 508 एकर इतकी जमीन आहे. त्यांची शेकडो एकर जमीन चेंबूर भागात असल्याची नोंद करण्यात आली आहे.

वाडिया ट्रस्टकडे कुर्लामध्ये शेकडो एकर जमीन आहे, सुमारे 361 एकर जमीन या ट्रस्टच्या नावे आहे. सर बायरामजी जी. जी.भॉय ट्रस्ट या ट्रस्टकडे सुद्धा मुंबईत बरीच जमीन आहे, ट्रस्टकडे जवळपास 269 एकर इतकी जमीन आहे.

सर मुहम्मद युसुफ खोत ट्रस्ट आणि वी. के. लाल कुटुंब सुद्धा समाविष्ट आहे. यांच्याकडे कांजुरमार्ग आणि कांदिवलीमध्ये जमीनी आहेत.

NEXT: रोजंदारीवर काम करणाऱ्या अनिकेत कोकरेची न्यायाधीश पदावर भरारी