Jagdish Patil
'आरएसएस' साठी महत्त्वाचा मानला जाणारा विजयादशमी उत्सव आज नागपुरात उत्साहात पार पडला. यावेळी भर पावसात संघ स्वयंसेवकांनी पथसंचलन केलं.
या कार्यक्रमाला राज्याचे उपमुख्यमंत्री देवेंद्र फडणवीस यांनी देखील हजेरी लावली होती.
फडणवीस यांच्यासह केंद्रीय रस्ते वाहतूक व महामार्ग मंत्री नितीन गडकरी देखील यावेळी उपस्थित होते.
उपमुख्यमंत्री आणि केंद्रीय मंत्री दोघेही संघाच्या गणवेशात यावेळी उपस्थित राहिल्याचं पाहायला मिळालं.
आरएसएस आणि दसऱ्याचं एक वेगळं नातं आहे. त्यामुळे दरवर्षी विजयादशमीच्या दिवशी संघ मुख्यालयात पथसंचलन केलं जातं.
याच पार्श्वभूमीवर संघ मुख्यालयात विविध कार्यक्रमांचं आयोजन करण्यात आलं होतं. यावेळी सरसंघचालकांच्या हस्ते रेशीम बाग मैदानावर शस्त्रपूजन करण्यात आलं.
त्यानंतर सरसंघचालकांनी भाषण केलं. या भाषणात त्यांनी हिंदूना संघटित होण्याचं आवाहन केलं.
यावेळी त्यांनी बांगलादेशातील हिंदूंना जगभरातील हिंदू समाजाकडून ही मदतीची आवश्यकता असल्याचंही सांगितलं.