Rashmi Mane
विधिमंडळाचे हिवाळी अधिवेशन आजपासून नागपुरात सुरु होत आहे.
पुढील दोन आठवडे हिवाळी अधिवेशन पार पडणार आहे. अधिवेशन अनेक मुद्द्यांवर गाजण्याची शक्यता आहे.
सत्ताधारी आणि विरोधक विविध मुद्द्यावर आमनेसामने येण्याची शक्यता आहे.
समृद्धी महामार्गावरील अपघाताची मलिका ही सुरूच आहे. मात्र उपाय योजना होताना दिसत नसल्याने समृद्धी महामार्गावरील अपघाताचा विषय हा अधिवेशनात गाजण्याची शक्यता आहे.
कंत्राटी नोकर भरती निर्णयाचा प्रश्न उपस्थित करत विरोधक सरकारला कोंडीत पकडतील.
ललीत पाटील ड्रग्ज प्रकरणात पोलिसांचा आणि रुग्णालयातील अधिक्षकांचा सहभाग समोर आल्यानंतर विरोधक आक्रमक झाले आहेत. यावरून विरोधक सभागृहात सरकारला घेरण्याचा प्रयत्न करतील.
राज्यात यावर्षी समाधानकारक पाऊस न झाल्याने अनेक जिल्ह्यात दुष्काळ जन्य परिस्थिती उद्भवली आहे. यावरुनही विरोधक आक्रमक होण्याची शक्यता आहे.
महिलावरील वाढत्या अत्याचारामुळे राज्यात कायदा व सुव्यवस्थेचा प्रश्न उपस्थित होतं आहे. एकतर्फी प्रेमातून होणारे हल्ले. बालकांचे लैंगिक शोषण यावरून विरोधक आक्रमक भूमिका मांडतील.