Rashmi Mane
गेल्या काही दिवसांपासून राज्यातील विधानसभा निवडणूक केव्हा जाहीर होणार याची सर्वांनाच उत्सुकता होती. अखेर राज्यात विधानसभा निवडणूक जाहीर झाली असून 20 नोव्हेंबरला मतदान होणार आहे.
मतदान करण्यासाठी मतदारांनी आपले नाव मतदार यादीत समाविष्ट आहे की नाही हे तपासून घेणे गरजेचे आहे.
मतदानाच्या दिवशी मतदार यादीत नावाबाबत संभ्रम किंवा नाव नसल्याच्या घटना मोठ्या प्रमाणात होतात. त्यामुळे मतदारांनी आपले नाव मतदार यादीमध्ये असल्याची खात्री आधीच करावी.
मतदान करण्यासाठी मतदार यादीत आणि मतदान केंद्राबाबत सर्व नागरिकांना माहिती घेणे आवश्यक आहे. ज्यामुळे मतदारांना मतदानापासून वंचित राहावे लागणार नाही.
यादीत नाव आहे की नाही हे तपासण्यासाठी निवडणूक विभागाने वोटर हेल्पलाइन अ‍ॅप विकसित केले आहे. तसेच आपले नाव आहे किंवा नाही याची खात्री https://electoralsearch.eci.gov.in या संकेतस्थळावर करता येते.
आपले नाव मतदार यादीत घरबसल्या आपल्याच मोबाइलमध्ये पाहायचे असल्यास वोटर हेल्पलाइन अ‍ॅप प्ले स्टोअरवरून डाऊनलोड करून त्याचा उपयोग करता येतो.
तसेच मतदार यादीमध्ये आपले नाव आहे किंवा नाही याची खात्री https://electoralsearch.eci.gov.in या संकेतस्थळावर देखील करता येईल.