Rajanand More
पश्चिम बंगाल विधानसभा निवडणुकीचा कार्यक्रम जाहीर झाला असून २३ व २९ एप्रिल अशा दोन टप्प्यांत ही निवडणूक होणार आहे.
राज्यात तृणमूल काँग्रेस विरूध्द भाजप असा थेट सामना होणार आहे. यावेळी विजय मिळविण्यासाठी भाजपने आपली संपूर्ण ताकद पणाला लावली आहे.
मुख्यमंत्री ममता बॅनर्जी यावेळी नंदीग्रामऐवजी भवानीपूर मतदारसंघातून निवडणुकीला उतरल्या आहेत. भाजपने सुवेंदू अधिकारी यांना तिकीट देत आव्हान उभे केले आहे.
उमेदवार जाहीर करण्यापूर्वी ममतांनी भाजपला मोठा धक्का दिला आहे. ‘नंदीग्रामचा मुलगा’ अशी ओळख असलेल्या नेत्यालाच त्यांनी भाजपमधून फोडले आहे. तसेच उमेदवारीही दिली आहे.
पवित्र कर यांना नंदीग्राम मतदारसंघातून उमेदवारी देण्यात आली आहे. याच मतदारसंघातून सुवेंदू अधिकारीही रिंगणात आहेत. ते दोन मतदारसंघात उमेदवार असतील.
पवित्र कर हे अधिकारी यांचे जुने सहकारी आहे. सुवेंदू यांनी तृणमूल सोडून भाजपमध्ये प्रवेश केल्यानंतर कर यांनीही भाजपमध्ये प्रवेश केला होता. आता त्यांची घरवापसी झाली आहे. त्यामुळे सुवेंदू यांची अडचण वाढल्याची चर्चा आहे.
२०२१ च्या विधानसभा निवडणुकीत ममतादीदींचा सुवेंदू यांनी नंदीग्राम मतदारसंघात पराभव केला होता. आता सुवेंदू यांना पराभूत करण्यासाठी त्यांनी पवित्र कर यांना मैदानात उतरविले आहे.
पवित्र कर हे प्रसिध्दीपासून दूर असले तरी नंदीग्राममध्ये तळागळातील लोकांसोबत त्यांचे चांगले संबंध आहेत. अनेक सामाजिक कामांमध्ये ते सक्रीय असतात. त्यामुळेच त्यांनी आपली स्वतंत्र ओळख निर्माण केली आहे. त्याचा फायदा आता निवडणुकीत होणार का, याची उत्सुकता.