Akshay Sabale
लोकसभा निवडणुकीत केंद्रात पुन्हा मोदी सरकार आलं आहे. नरेंद्र मोदी यांनी तिसऱ्यांदा पंतप्रधानपदाची शपथ घेतली आहे. यानंतर मोदी 3.0 सरकारचा कार्यकाळ सुरू झाला आहे.
मोदी 3.0 सरकारमध्ये भाजपच्या सहा माजी मुख्यमंत्र्यांना केंद्रीय कॅबिनेट मंत्रिपदावर संधी देण्यात आली आहे. या मुख्यमंत्र्यांबद्दल जाणून घेणार आहोत...
शिवराज सिंह चौहान हे मध्य प्रदेशचे माजी मुख्यमंत्री आहेत. त्यांच्याकडे कृषी आणि ग्रामविकास खात्याचा कारभार देण्यात आला आहे.
राजनाथ सिंह हे उत्तरप्रदेशचे माजी मुख्यमंत्री आहेत. सिंह यांच्याकडे पुन्हा एकदा संरक्षण मंत्रालयाची जबाबदारी देण्यात आली आहे.
मनोहर लाल खट्टर हे हरयाणाचे माजी मुख्यमंत्री आहेत. खट्टर यांच्याकडे उर्जा आणि नगरविकास खातं देण्यात आलं आहे.
जीतनराम मांझी हे हिंदुस्थान आवाम मोर्चाचे सर्वेसर्वा आणि बिहारचे माजी मुख्यमंत्री आहेत. त्यांच्याकडे सुक्ष्म, लघू मध्यम उद्योग मंत्रालयाची जबाबदारी दिली आहे.
सर्बानंद सोनोवाल हे आसामचे माजी मुख्यमंत्री आहेत. त्यांना बंदरे आणि जहाज मंत्रालयाचा कारभार देण्यात आला आहे.
एच. डी. कुमारस्वामी हे माजी पंतप्रधान एच. डी. देवेगौडा यांचे पुत्र असून कर्नाटकचे माजी मुख्यमंत्री आहेत. त्यांच्याकडे अवजड उद्योग मंत्रालयाची जबाबदारी दिली आहे.