Chetan Zadpe
मॉर्निंग कन्सल्ट सर्व्हे या जागतिक दर्जाच्या एजन्सीने केलेल्या सर्व्हेतून नरेंद्र मोदी हे जगातील सर्वात शक्तिशाली नेते म्हणून पुढे आले आहेत.
अमेरिकेचे राष्ट्राध्यक्ष जो बायडेन, इंग्लंडचे पंतप्रधान ऋषी सुनक आणि जर्मन चान्सलर ओलाफ सोझ यांच्या तुलनेतही पंतप्रधान नरेंद्र मोदी यांची लोकप्रियता अधिक आहे.
मॉर्निंग कन्सल्टच्या जागतिक सर्वेक्षणाच्या यादीत भारताचे पंतप्रधान नरेंद्र मोदी यांना सर्वाधिक 77 टक्के इतकी मते मिळाली आहेत.
मेक्सिकोचे राष्ट्राध्यक्ष आंद्रेस मॅन्युएल लोपेझ ओब्राडोर हे 64 टक्के मतांसह दुसऱ्या स्थानावर आहेत. स्वित्झर्लंडचे नेते अलेन बेरसेट यांना 57 टक्के मते मिळाली आहेत. तर नरेंद्र मोदी अव्वल ठरले आहेत.
विशेष म्हणजे या क्रमवारीत अमेरिका आणि इंग्लंडचे दोन्ही प्रसिद्ध नेते, जो बायडेन आणि ऋषी सुनक मोदींपेक्षा फार मागे आहेत.
मॉर्निंग कन्सल्टने 30 जानेवारी ते 5 फेब्रुवारी दरम्यान हा सर्व्हे केला होता. मोदी हे जगभरातील सर्वाधिक लोकप्रिय नेते असल्याचे या सर्वेक्षणाने शिक्कामोर्तब केले.
मॉर्निंग कन्सल्ट ही एक जागतिक दर्जाची बिझनेस इंटेलिजन्स कंपनी आहे. जगातील प्रमुख देशांतील नेत्यांच्या लोकप्रियतेचा धांडोळा मांडते.