Ganesh Sonawane
नरहरी झिरवाळ यांचा जन्म 1 जून 1959 झाला. नाशिक जिल्ह्यातील दिंडोरी तालुक्यातील वनारे हे त्यांचे गाव.
कुटुंबातील परिस्थिती हलाखीची असताना उदरनिर्वाह करण्यासाठी बांधकामामध्ये बिगारीचे काम त्यांनी केले होते.
नाशिक जिल्ह्यातील दिंडोरी तहसील कार्यालयात लिपीक म्हणूनही त्यांनी काम केले आहे. मात्र त्या कामात त्यांचे मन न रमल्याने त्यांनी नोकरी सोडली.
पुढे जनता दलाचे माजी खासदार कै. हरिभाऊ महाले यांच्यासोबत राहून झिरवाळ यांनी आपल्या राजकीय कारकिर्दीला सुरवात केली.
त्यानंतर झिरवाळ यांनी गावच्या राजकारणात प्रवेश केला. ते वनारे गावाचे सरपंच झाले.
सरपंचपदानंतर जनता दलातून पंचायत समितीचे सदस्य व राष्ट्रीय काँग्रेसमधून ते उपसभापती झाले. यानंतर राष्ट्रवादी काँग्रेसकडून 2001 साली जिल्हा परिषदेचे सदस्य झाले.
दिंडोरी विधानसभा मतदारसंघातून 2004 सालच्या विधानसभा निवडणुकीत ते पहिल्यांदा आमदार झाले. त्यानंतर 2014 व 2019, 2024 असे चार वेळा आमदार झाले आहेत.
२०२० मध्ये विधानसभा उपाध्यक्ष पदी त्यांची बिनविरोध निवड झाली होती. त्याकाळात झिरवाळ राज्याच्या राजकारणाच्या केंद्रस्थानी आले होते.
आता ते राष्ट्रवादी पक्षात असून राज्याच्या मंत्रिमंडळात अन्न व औषध प्रशासन मंत्री आहेत. क्लर्कच्या लाचखोरीमुळे पुन्हा चर्चेत आले आहेत.