Pradeep Pendhare
राज्यातील मंत्री व बड्या राजकीय नेत्यांच्या भविष्य कथनाने नावारुपास आलेल्या भोंदूबाबा अशोक खरात याच्याकडे डोळे दीपवणारी संपत्ती समोर आली आहे.
नाशिक शहरासह सिन्नर, अहिल्यानगरमधील शिर्डी, राहाता, निघोज, निमगाव कोऱ्हाळे, पाथर्डी इथं शेकडो कोटीचे भूखंड आणि शेत जमिनी त्याच्यासह कुटुंबियांच्या नावावर असल्याचं समोर आलं.
भूखंड खरेदी-विक्रीत सरकारी अधिकारी आणि त्याचे कुटुंब भागीदार असल्याचं समोर आलं आहे.
अशोक खरातसह पत्नी कल्पना, मुलगी तृप्तबाला तसेच नातेवाईकांच्या नावावर अनेक मालमत्ता खरेदी केलेल्या असून, त्याच्या किंमती शेकडो कोंटीच्या घरात आहेत.
पाथर्डी इथं एक एक जमिनीच्या सातबारा उताऱ्यात खरातच्या मुलीसोबत ठाणे इथले उपजिल्हाधिकारी असणाऱ्या अधिकाऱ्याच्या पत्नीने नाव समोर आले आहे.
भोंदुगिरी करताना दुसरीकडे अशोक खरात याचा जमिनी खरेदी-विक्रीचा मुख्य उद्योग होता. आतापर्यंत खरातच्या मालमत्तेचे 60 हून अधिक सातबारे समोर आले आहेत.
अशोक खरातची पाथर्डी, विल्होळी व गौळाणे भागात सुमारे 16 भूखंड आणि सहा एकरच्या आसपास शेत जमीन आहे. आडगाव इथंही भूखंड आहे.
सिन्नर इथं ईशानेश्वर मंदिर असून, फार्म हाऊस आणि तिथं विस्तीर्ण क्षेत्रावर आंब्याची बाग आहे. तिथं 21 एकर शेत जमीन असून खरात याने आजूबाजूची जमिनी घेण्याचा सापाटा सुरू केला होता.
अशोक खरातचे ईशानेश्वर मंदिर असलेल्या मिरगावमध्ये सुमारे 45 ते 50 एकर जमीन असल्याचा अंदाज वर्तवला जात आहे.