Ganesh Sonawane
नाशिकमध्ये 31 ऑक्टोबर 2026 पासून कुंभमेळा पर्वाला सुरुवात होणार आहे. प्रशासनाकडून तयारीला वेग आला आहे.
या कुंभमेळ्यात श्रमदान करुन प्रशासनाला मदत करणाऱ्या विद्यार्थ्यांना २ श्रेयांक देण्यात येणार आहेत.
सावित्रीबाई फुले पुणे विद्यापीठाअंतर्गत नाशिक जिल्ह्यातील जे महाविद्यालये येतात त्या महाविद्यालयांसाठी प्रामुख्याने हा निर्णय घेण्यात आला आहे.
दर बारा वर्षांनी होणाऱ्या कुंभमेळ्यासाठी देश-विदेशातून लाखो भाविक नाशिकमध्ये येणार आहेत. त्यामुळे प्रशासनाला मोठ्या प्रमाणावर नियोजन आणि मनुष्यबळाची गरज भासते.
वाहतूक नियंत्रण, आरोग्य सेवा, गर्दी व आपत्ती व्यवस्थापन, CCTV आणि पर्यावरण संवर्धन. संशोधन व नियोजनासारख्या तांत्रिक कामांतही विद्यार्थ्यांचा सहभाग राहील.
विद्यापीठ व्यवस्थापन परिषदेचे सदस्य सागर वैद्य यांनी हा ठराव मांडला होता. व्यवस्थापन परिषद व विद्या परिषदेत त्याला मंजुरी मिळाली आहे.
कुलगुरू डॉ. सुरेश गोसावी आणि प्र-कुलगुरू डॉ. पराग काळकर यांनी प्रस्तावास संमती दिली.त्यामुळे निर्णयाच्या अंमलबजावणीचा मार्ग मोकळा झाला आहे.
‘ओपन इलेक्टिव्ह क्रेडिट’ अंतर्गत दोन श्रेयांक देण्यात येणार आहेत.यासाठी विद्यार्थ्यांना किमान 60 तास काम करणे बंधनकारक असेल.
श्रेयांक मिळवणाऱ्या विद्यार्थ्यांना प्रशासनाकडून प्रमाणपत्र दिले जाईल. प्रामुख्याने नाशिक जिल्ह्यातील महाविद्यालयांना या उपक्रमात सहभागी होता येणार आहे.