Ganesh Sonawane
नाशिक-त्र्यंबकेश्वर सिंहस्थ कुंभमेळा 2027 च्या यशस्वी आयोजनासाठी विद्यार्थी स्वयंसेवकांची मदत घेतली जाणार आहे. युवकांचा सक्रिय सहभाग वाढवण्यासाठी 'कुंभदूत' उपक्रम सुरू करण्यात आला आहे.
जिल्ह्यातील प्रत्येक महाविद्यालयात स्वतंत्र 'कुंभ कक्ष' स्थापन केला जाणार आहे.
हा कक्ष कुंभमेळा प्राधिकरण आणि संस्थेमधील समन्वयाचे केंद्र असेल.
इच्छुक विद्यार्थ्यांसाठी ऑनलाइन नोंदणी प्रक्रिया सुरू झाली आहे.
QR कोड स्कॅन करून विद्यार्थी सहजपणे सहभागी होऊ शकतात.
नोंदणी करताना विद्यार्थ्यांनी वैयक्तिक माहिती आणि शैक्षणिक संस्थेचा तपशील भरायचा आहे. यानंतर प्रशिक्षण व स्वयंसेवक नियोजनाची प्रक्रिया सुरू होईल.
घाट, मंदिरे, रेल्वे स्थानके, वाहनतळ, आरोग्य केंद्रे आणि मदत शिबिरांमध्ये स्वयंसेवकांची नियुक्ती केली जाईल. भाविकांना मदत करण्याची महत्त्वाची जबाबदारी विद्यार्थ्यांवर असेल.
राष्ट्रीय आणि आध्यात्मिक महत्त्वाच्या सिंहस्थासाठी विद्यार्थ्यांनी मोठ्या संख्येने सहभागी व्हावे, असे आवाहन करण्यात आले आहे.