Jagdish Patil
राष्ट्रवादीचे (शरद पवार) आमदार जितेंद्र आव्हाड यांची कन्या नताशाला सोशल मीडियावर अत्यंत आक्षेपार्ह भाषेत ट्रोल केलं गेलं.
आमदार गोपीचंद पडळकरांच्या समर्थकाने आपणाला ट्रोल केल्याचा स्क्रीनशॉट शेअर करत नताशाने संताप व्यक्त केला आहे.
'जसा राजा, तशी प्रजा! सगळे गुंडे. या प्रकरणात माझी काहीही भूमिका नाही, तरीही या नीच लोकांनी मला यात ओढले, असं ट्विट करत तिने CM फडणवीस आणि मुंबई पोलिसांना टॅग केलं.
या ट्विटनंतर नताशा पुन्हा एकदा चर्चेत आली असून ती सध्या नेमकं काय करते? तिचं शिक्षण किती झालं आहे, याबाबतची माहिती जाणून घेऊया.
नताशा मुंबईतील सेंट झेव्हिअर कॉलेजमध्ये शिकली असून त्यानंतरच्या शिक्षणासाठी ती स्पेनला गेली. तिने M.Tech पदवी घेतली आहे.
डिसेंबर 2021 मध्ये एलन पटेलसोबत तिचा विवाह झाला. एलन हा नताशाचा शाळकरी मित्र असून दोघांनी स्पेनमध्ये एकत्र शिक्षण घेतलं आहे.
आव्हाडांनी अत्यंत साधेपणाने आणि रजिस्टर पद्धतीने या दोघांचं लग्न लावलं होतं. ज्याची चर्चा संबंध महाराष्ट्रात झाली होती.
त्यानंतर गोव्यात पुन्हा ख्रिश्चन पद्धतीने विवाह पार पडला तेव्हाच्या सेलिब्रेशनचे फोटो सोशल मीडियावर व्हायरल झाले होते.
नताशा वडिलांच्या प्रचारात सक्रीय असते. राजकारणासह सामाजिक सहभागाने स्वतःची ओळख निर्माण केली आहे.