Jagdish Patil
डोनाल्ड ट्रम्प यांनी 'नाटो'तील देशांना स्ट्रेट ऑफ होर्मुझमध्ये युद्धनौका पाठवण्याचे आवाहन केले होते.
मात्र स्पेन, ब्रिटनसह अनेक देशांनी अमेरिकेच्या भूमिकेला पाठिंबा न दिल्याने ट्रम्प यांनी 'नाटो'तून बाहेर पडण्याचा इशारा दिला.
अमेरिकेने नाटोमधून बाहेर पडावे का? याचा विचार करत असून एकदा निर्णय घेतला तर पुन्हा मागे फिरणार नसल्याचं ट्रम्प म्हणाले.
याच पार्श्वभूमीवर उत्तर अटलांटिक करार संघटना (NATO) संघटनेबाबतची माहिती जाणून घेऊया.
नाटोची स्थापना 4 एप्रिल 1949 रोजी झाली असून ती एक आंतरराष्ट्रीय लष्करी युती आहे.
12 देशांनी मिळून सुरुवात केलेल्या नाटोचे मुख्य कार्यालय ब्रुसेल्स, बेल्जियम येथे आहे.
प्रामुख्याने युरोप आणि उत्तर अमेरिकेतील देशांचा समावेश असलेल्या नाटोतील सदस्य देशांची संख्या 32 आहे.
नाटोतील एखाद्या देशावर हल्ला म्हणजे सर्वांवर हल्ला, असे मानले जाते.
एखाद्या मोठ्या निर्णयासाठी किंवा नवीन सदस्याचा समावेश करण्यासाठी सर्व 32 देशांची मान्यता आवश्यक असते.
स्वीडन हा नाटोचा 32 वा सर्वात नवीन सदस्य आहे तर युक्रेन, जॉर्जियासारखे देश सदस्य होण्यासाठी प्रयत्नशील आहेत.