Chetan Zadpe
बिहारच्या राजकारणात पुन्हा एकदा भूकंप आले असून मुख्यमंत्री नितीशकुमार यांनी भाजपसोबत सरकार स्थापण्याचा निर्धार केला आहे.
नितीशकुमार महागठबंधन सरकारमधून बाहेर पडले असून आता ते भाजपसोबत सरकार स्थापन करणार आहेत. आज सायंकाळी 7.00 वाजता त्यांचा शपथविधी पार पडणार आहे.
नितीशकुमार यांनी आपल्या राजकीय कारकिर्दीत कधी भाजप तर कधी राजदसोबत राजकीय संधान बांधले. सत्तेचे समीकरण जुळवताना त्यांना राजकीय विचारसरणीचा कधीच अडसर झाला नाही.
2013 मध्ये नितीशकुमारांनी पहिल्यांदाच यांनी भाजपशी राजकीय संबंध तोडले. 2014 च्या लोकसभा निवडणुकीत नरेंद्र मोदी हे एनडीएचा पंतप्रधानपदाचा उमेदवार असल्यामुळे त्यांनी एनडीएशी फारकत घेतली.
बिहार 2015 च्या निवडणुकीत नितीशकुमार यांनी एकेकाळी विरोधक असलेले लालू प्रसाद यांच्या राष्ट्रीय जनता दल सोबतच काँग्रेस आणि काही इतर लहान पक्षांना सोबत घेऊन "महागठबंधन" तयार केले. 178 जागा जिंकत ते पुन्हा मुख्यमंत्रिपदी विराजमान झाले.
2017 मध्ये सीबीआयने कथित IRCTC घोटाळ्यात लालू प्रसाद यादव यांच्या घरावर छापे टाकले होते. यामध्ये प्रकरणी तेजस्वी यादव यांनाही आरोपी करण्यात आले. या सर्व पार्श्वभूमीवर नितीशकमार यांनी पुन्हा भाजपसोबत जाणे पसंत केले. तो पर्यंत त्यांचा मोदींनी असलेला विरोध मावळला होता.
नितीशकुमारांची पावले 2022 पुन्हा एकदा महागठबंधनकडे वळली. भाजपसोबत युती तोडत त्यांनी आरजेडी, काँग्रेस आणि डाव्यांसोबत सत्ता चालवली. भाजपला त्यानी पुन्हा एकदा जोरदार हिसका दिला होता.
लोकसभा निवडणुकीला अवघे काही महिन्यांचाच अवधी राहिला असताना नितीशकुमारांनी पलटी मारली. महागठबंधन सरकारधून बाहेर पडत त्यांनी पुन्हा एकदा भाजपशी संधान बांधले. यामुळे आता भाजपसाठी बिहारची लढाई अधिक सुकर झाल्याचे सांगण्यात येत आहे.