Jagdish Patil
रुग्णांना वैद्यकीय उपचारांबाबत मोठी आश्वासने देणे, स्वतःला 'सर्वोत्तम' म्हणून जाहिरात करणं, डॉक्टरांना महागात पडणार आहे.
राष्ट्रीय आयुर्विज्ञान आयोगाने (NMC) वैद्यकीय संस्था, नोंदणीकृत वैद्यकीय व्यावसायिकांसाठी नव्या मार्गदर्शक सूचना जारी केल्या आहेत.
या नियमांनुसार, डॉक्टरांना 'सर्वोत्तम' 'नंबर वन' 'हमखास रोगमुक्ती यांसारखे अवास्तव असे पडताळणी न करता येणारे दावे करता येणार नाहीत.
वैद्यकीय व्यवसायाचे व्यावसायिकीकरण रोखणे, रुग्णांची दिशाभूल करणाऱ्या दाव्यांना आळा घालणे हा या नियमांचा उद्देश आहे.
उपचारांची भीती दाखवून रुग्णांना अनावश्यक तपासण्या किंवा शस्त्रक्रियांची मागणी निर्माण करणे.
तसंच औषधे, वैद्यकीय उपकरणांच्या जाहिरातींसाठी स्वतःच्या नावाचा, फोटोचा वापर करून शिफारस करण्यावरही निर्बंध घालण्यात आले आहेत.
रुग्णांचे अनुभव, उपचारांपूर्वीचे आणि उपचारांनंतरचे फोटो, सेलिब्रिटी रुग्णांचा वापर करून वैद्यकीय सेवेचा प्रचारावरही बंदी घातली आहे.
पैसे देऊन मिळवलेली रेटिंग, रिव्ह्यू, फॉलोअर्स आणि लाइक्सच्या माध्यमातून स्वतःची प्रतिमा उंचावण्यावरही बंदी असेल.
नियमांचे उल्लंघन करणाऱ्या डॉक्टरांविरोधात संबंधित राज्य वैद्यकीय परिषदेकडून कारवाई केली जाऊ शकते.
पहिल्या उल्लंघनासाठी इशारा आणि नीतिमत्तेचे प्रशिक्षण तर गंभीर प्रकरणांत 6 ते 12 महिने नोंदणी निलंबित करण्याची शिफारस आहे.
मात्र, कारवाईपूर्वी डॉक्टरांना कारणे दाखवा नोटीस देऊन बाजू मांडण्याची संधीही मिळणार आहे.