Jagdish Patil
उद्या 15 जानेवारी रोजी राज्यभरातील 29 महापालिकांसाठी मतदान होणार आहे. या पार्श्वभूमीवर आदर्श आचारसंहिता लागू करण्यात आलेय.
मात्र मतदानाच्या आदल्या दिवशी 'ईव्हीएम'ला जोडल्या जाणाऱ्या 'पाडू' नावाच्या मशीनमुळे नव्या वादाला तोंड फुटलं आहे.
पाडू मशीनवर राज ठाकरेंसह विविध राजकीय पक्षांनी आक्षेप घेत, या मशीनची माहिती आधीच का दिली नाही, असा आक्षेप घेतला आहे.
तर हे पाडू मशीन ईव्हीएमला का जोडलं जाणार आणि त्याचं काम काय? याबाबतची माहिती जाणून घेऊया.
निवडणूक आयोग EVM मशीनला 'प्रिटिंग ऑक्झिलरी डिस्प्ले युनिट' म्हणजेच (PADU) मशीन जोडणार आहे.
हे उपकरण कंट्रोल युनिटची हुबेहूब प्रतिकृती असून ते बॅकअप यंत्रणा म्हणून काम करते.
या नवीन यंत्रणेचे प्रात्यक्षिक विविध राजकीय पक्षांना दाखवण्यात आलं असून मतमोजणीच्या दिवशीही ते पुन्हा एकदा दाखवलं जाणार आहे.
'पाडू मशीन' हे मतदान यंत्रातील डेटा वाचणारे आणि ऑक्सिलरी डिस्प्ले देणारं यंत्र आहे.
मतमोजणीच्या वेळी मुख्य कंट्रोल युनिटचा डिस्प्लेमध्ये बिघाड झाल्यास किंवा त्यातून निकाल दिसण्यात अडचण आली असेल तर 'पाडू'चा वापर केला जातो.
या तांत्रिक बदलाबाबत आयोगाने राजकीय पक्षांना पूर्वकल्पना दिली नाही. हे मशीन काय काम करतं? यात गडबड होणार नाही हे कशावरून? असे प्रश्न राज ठाकरेंनी उपस्थित केलेत