Vijaykumar Dudhale
पंजाबराव डख हे परभणी जिल्ह्यातील गुगळी धामणगावचे रहिवासी आहेत.
पंजाबराव डख यांनी 1999 पासून संगणकावर उपग्रहांच्या फोटोवरून हवामानाचा अंदाज सुरू केला. उपग्रहांसोबत निसर्गाच्या पारंपरिक खाणाखुणांच्या अभ्यासावरून ते हवामानाचा अचूक अंदाज वर्तवू लागले.
पंजाबराव डख सध्या मोबाइलवरून पावसाच्या अंदाजाची अचूक माहिती शेतकऱ्यांपर्यंत पोचविण्याचे काम करत आहेत. पावसाच्या अचूक अंदाजामुळे ते राज्यातील शेतकऱ्यांमध्ये कमालीचे लोकप्रिय आहेत.
पंजाबराव डख यांच्या हवामानाच्या अंदाजाला शास्त्रीय दृष्टिकोन नसतो, असा आक्षेप त्यांच्यावर हवामान विभागातील तज्ज्ञांकडून घेतले जातात.
ॲड. प्रकाश आंबेडकर प्रमुख असलेल्या वंचित बहुजन आघाडीकडून परभणी मतदारसंघातून पंजाबराव डख यांना लोकसभेची उमेदवारी जाहीर झाली आहे.
वंचित बहुजन आघाडीने परभणीतून अगोदर बाबासाहेब उगले यांना उमेदवारी जाहीर केली होती. मात्र, आंबेडकर यांनी उगले यांची उमेदवारी रद्द करून डख यांना उमेदवारी जाहीर केली आहे.
ज्येष्ठ हवामान अभ्यासक पंजाबराव डख यांनी परभणी लोकसभा मतदारसंघातून गुरुवारी (ता. 4 एप्रिल) आपला उमेदवारी अर्ज भरला आहे.
परभणी लोकसभा मतदारसंघात महाविकास आघाडीकडून शिवसेना उद्धव ठाकरे पक्षाचे खासदार संजय जाधव, महायुतीकडून महादेव जानकर आणि ‘वंचित’चे पंजाबराख डख यांच्यात तिरंगी लढत होणार आहे.
R