Jagdish Patil
बीडमधील बहुचर्चित महादेव मुंडे हत्या प्रकरणातील 2 संशयीतांची 'नार्को' तर एकाची 'ब्रेन मॅपिंग' टेस्ट केली जाणार आहे.
मुंडेंच्या हत्येला दोन वर्षे होऊनही तपास पूर्ण न झाल्याने एसआयटीने या टेस्ट करण्याचा निर्णय घेतला आहे.
त्यानुसार आज (ता.17) मुंबईच्या न्याय वैज्ञानिक प्रयोगशाळेत ही नार्को आणि ब्रेन मॅपिंग टेस्ट केली जाणार आहे.
याच पार्श्वभूमीवर नार्को टेस्ट नेमकी काय असते आणि ती कशी केली जाते? याबाबतची माहिती जाणून घेऊया.
एखादा आरोपी खरं बोलत नसेल, तपासात सहकार्य करत नसले त्यावेळी सत्य जाणून घेण्यासाठी नार्को टेस्ट केली जाते.
ही टेस्ट करण्यासाठी पोलिसांना न्यायालयाची परवानगी घ्यावी लागते.
ही टेस्ट फॉरेन्सिक तज्ञ, तपास अधिकारी, डॉक्टर आणि मानसशास्त्रज्ञ इत्यादींच्या उपस्थितित केली जाते.
या टेस्टमध्ये आरोपीला सोडियम पेंटोथॉलचे एक इंजेक्शन दिले जातं. या औषधाला ट्रुथ ड्रग म्हणूनही ओळखले जातं.
या औषधांमुळे आरोपीची विचार करून बोलण्याची क्षमता कमी होते. त्यामुळे तपास पथकाला सत्य जाणून घेण्यास मदत होते.
शिवाय व्यक्ती पूर्ण शुद्धीत आणि बेशुद्धही नसतो. अशा स्थितीत आरोपी टेक्नीकल गोष्टींचा विचार करू शकत नाही.