Aslam Shanedivan
पश्चिम बंगालमध्ये सत्ता परिवर्तन करत, भाजपने सत्ता मिळवली आहे. शुभेंदू अधिकारी यांनी मुख्यमंत्रीपदाची शपथ घेतली.
यावेळी पंतप्रधान नरेंद्र मोदींसह अनेक दिग्गज मान्यवर व्यासपीठावर उपस्थित होते. यादरम्यान मोदींनी एका व्यक्तीच्या पायांना स्पर्श करून त्यांना प्रेमाने मिठी मारली.
आता ती व्यक्ती कोण? भाजपमध्ये त्यांचे महत्त्व काय आहे, याबद्दल चर्चा रंगली असून ती व्यक्त 92 वर्षीय ज्येष्ठ कार्यकर्ते माखनलाल सरकार आहेत.
पंतप्रधान नरेंद्र मोदी यांनी व्यासपीठावर सत्कार केला त्या माखनलाल सरकार यांनी भाजपचे संस्थापक श्यामाप्रसाद मुखर्जींसोबत काम केल आहे.
काश्मीरमध्ये भारतीय तिरंगा फडकवण्याच्या आंदोलनादरम्यान श्यामा प्रसाद मुखर्जी यांच्यासोबत असताना माखनलाल सरकार यांना अटक झाली होती.
माखनलाल सरकार हे पश्चिम बंगालमधील भाजपचे सर्वात जुने आणि ज्येष्ठ कार्यकर्त्यांपैकी एक असून आज 92 व्या वर्षीही ते पक्षाच्या कार्यात सक्रिय आहेत.
माखनलाल सरकार यांनी आपल्या राजकीय प्रवासाची सुरुवात भारतीय जनसंघापासून केली. तर ते डॉ. श्यामाप्रसाद मुखर्जींचे सहकारी म्हणून ओळखले जातात
1953 मध्ये श्यामाप्रसाद मुखर्जी यांच्या 'एक विधान, एक निशान, एक प्रधान' या आंदोलनात सहभाग घेत तरुण फळीचे नेतृत्व माखनलाल सरकार यांनी केले होते.
त्यावेळी पंजाब आणि जम्मूच्या सीमेवरील माधोपूर येथे त्यांना रोखत पोलिसांनी मुखर्जींसोबत अटक केली. ज्यानंतर त्यांनी अनेक दिवस तुरुंगवासही भोगला.