Jagdish Patil
पुण्यातील या 22 हजार कोटींच्या विविध प्रकल्पांचे भूमीपूजन आणि लोकार्पण गुरुवारी होणार होते. मात्र पावसामुळे पुढे ढकलण्यात आलं होतं.
मात्र, मेट्रोचं काम पूर्ण झाल्यामुळे उद्घाटनाची वाट न पाहता, ती सुरू करण्याची मागणी महाविकास आघाडीच्या नेत्यांनी केली.
आज शिवाजीनगर न्यायालय ते स्वारगेट भूमिगत मेट्रो मार्गिकेचे ऑनलाईन पद्धतीने PM मोदींनी उद्घाटन केलं.
मेट्रोप्रमाणे सावित्रीबाई फुले यांची पहिली मुलींची शाळा भिडेवाडा येथील स्मारकाचे उद्घाटनही करण्यात आलं.
उद्घाटन सोहळ्यानंतर CM शिंदे आणि उपमुख्यमंत्री देवेंद्र फडणवीस, अजित पवार यांनी मेट्रोच्या नवीन मार्गावरून प्रवास केला.
यावेळी केंद्रीय विमान वाहतूक व सहकार मंत्री मुरलीधर मोहोळ, भाजप नेते मंत्री चंद्रकांत पाटील इत्यादी नेते उपस्थित होते.
उद्घाटनानंतर बोलताना मुख्यमंत्री शिंदे यांनी पुणे शहर कोंडीमुक्त करण्याचा आमचा प्रयत्न असल्याचं सांगितलं.
आज PM मोदींनी उद्घाटन केलेले टप्पे हे या दिशेने टाकलेले महत्त्वाचे पाऊल असल्याचंही मुख्यमंत्री म्हणाले.