Deepak Kulkarni
लोकसभा निवडणुकीच्या पार्श्वभूमीवर पंतप्रधान नरेंद्र मोदी यांचा मुंबईमध्ये रोड शो झाला.
मुंबईतील महायुतीच्या उमेदवारांसाठी करण्यात आलेल्या या रोड शोला नागरिकांचा उत्स्फूर्त प्रतिसाद मिळाला.
घाटकोपरमधील अशोक सिल्क मिल ते पार्श्वनाथ मंदिर परिसरात रोड शोचा समारोप झाला .
पंतप्रधान नरेंद्र मोदींच्या या रोड शोमध्ये महायुतीचे नेतेमंडळी, पदाधिकारी, महिला कार्यकर्ते यांसह मुंबईकरांनी रस्त्याच्या दुतर्फा मोठी गर्दी केली होती.
घाटकोपर परिसर आज भगवामय झाला होता. साधू,संत, वारकरी देखील मोदींचे स्वागत करण्यासाठी रस्त्यावर उतरल्याचे दिसून आले.
पंतप्रधान नरेंद्र मोदी यांच्या या रोड शोमध्ये मुख्यमंत्री एकनाथ शिंदे आणि उपमुख्यमंत्री देवेंद्र फडणवीस सहभागी झाले आहेत. पण अजित पवार अनुपस्थित होते.
यावेळी त्यांनी देशामध्ये एनडीए आपले जुने रेकॉर्ड मोडणार असल्याचं सांगून चारशेपेक्षा जास्त जागांवर उमेदवार निवडून येतील, असा विश्वास व्यक्त केला.
मोदींनी मुंबईतील जनतेचे आभार मानले. याचवेळी बाळासाहेब ठाकरेंच्या स्वप्नांतील मुंबई घडवण्याचा आमचा प्रयत्न आहे असल्याचेही सांगितले.