Roshan More
पंतप्रधान नरेंद्र मोदी यांनी ट्विट करत प्रभु श्रीरामांवरील भजनाचा व्हिडिओ शेअर केला. या व्हिडिओमध्ये भजन गाणारी केरळमधील गायिका सूर्यगायत्री आहे. सूर्यगायत्री हिचे कौतुक पंतप्रधान मोदी यांनी केले आहे.
पंतप्रधान नरेंद्र मोदींनी शेअर केलेला व्हिडिओ हा 7 वर्षापूर्वीचा आहे. या व्हिडिओमध्ये भजन म्हणणारी सूर्यगायत्री आता 17 वर्षांची आहे.
गायत्रीने लहान वयातच गायनाला सुरुवात केली. तिने शास्त्रीय संगीताचे शिक्षण घेतले आहे.
सूर्यगायत्री ही फेसबुकवर सक्रिय आहे. आपल्या गायनाचे वेगवेगळे व्हिडिओ ती तेथे पोस्ट करत असते. तिच्या नावाने तिची माहिती देणारी वेबसाईट देखील आहे.
कर्नाटकचे प्रसिद्ध गायक कुलदीप एम पई यांच्या आध्यात्मिक संगीत सीरीजमधील 'वंदे गुरु परंपराम' या अल्बममध्ये सूर्यगायत्री देखील होती.
सूर्यगायत्री उत्तर केरळमधील वडकारातील पुरामेरी या गावातील रहिवासी आहे. तिचे वडील अनिल कुमार मृदंगम कलाकार तर, आई दिव्या कवयित्री आहेत.
गायक कुलदीप एम पई हे सूर्यगायत्रीचे गुरु आणि आध्यत्मिक मार्गदर्शक आहेत.