Rajanand More
IPS आदिती सिंह यांची सध्या देशातील प्रशासनामध्ये जोरदार चर्चा होत आहे. ही चर्चा त्यांच्या उल्लेखनीय कामाबद्दल नव्हे तर वेगळ्याच कारणासाठी सुरू आहे.
आदिती सिंह हे सातत्याने रजेवर जात असल्याचे समोर आले आहे. जवळपास ४५ दिवसांत त्या तब्बल २५ दिवस रजेवर आहेत. त्यामुळे पोलीस महासंचालकांनीच त्यांना दणका दिला आहे.
आदिती सिंह यांच्या सततच्या रजेमुळे वैतागलेल्या पोलीस प्रशासनाने त्यांच्या कामाच्या जबाबदाऱ्या एका कनिष्ठ अधिकाऱ्याकडे सोपविली आहे.
आदिती सिंह या २०२१ च्या तुकडीच्या हिमाचल प्रदेश केडरच्या आयपीएस अधिकारी आहेत. त्या २०२३ पासून सेवेत सक्रीय आहेत.
सध्या त्या स्टेट व्हिजिलन्स अँड अँटी करप्शन ब्युरोच्या उत्तर विभागामध्ये पोलीस अधिक्षक पदावर कार्यरत आहेत.
आदिती सिंह या मुळच्या उत्तर प्रदेशातील कंकरखेडा येथील रहिवासी आहेत. त्यांचे वडील डॉक्टर असून आई ज्योती सिंह या सरकारी नोकरीमध्ये वरिष्ठ सहाय्यक म्हणून कार्यरत आहेत.
कोरोना काळामध्ये आदिती सिंह यांनी घरीच यूपीएससीचा अभ्यास सुरू केला आणि पहिल्याच प्रयत्नात २०२१ मध्ये ६७९ वी रँक मिळवत ही परीक्षा क्रॅक केली.
पोलीस सेवेत दाखल झाल्यानंतर त्यांनी हिमाचल प्रदेशात विविध पदांवर काम केले. अतिरिक्त पोलीस अधिक्षक म्हणून त्यांनी पावटासाहिब येथे काम केले आहे. सध्या त्यांच्या रजेची चर्चा सर्वत्र होत आहे.