Aslam Shanedivan
जगभरातील अत्यंत कठीण स्पर्धांमध्ये आयर्न मॅन या स्पर्धेचा समावेश होत असतो
या स्पर्धेत स्पर्धकाचा शारीरिक आणि मानसिक क्षमतांचा कस लागतो.
या स्पर्धेत समुद्रात दोन किलोमीटर पोहणे, 90 किलोमीटर सायकलिंग आणि 21 किलोमीटर धावावे लागते.
याच स्पर्धेत जालना पोलीस प्रशिक्षण केंद्रातील वरिष्ठ पोलीस निरीक्षक संदीप गुरमे तिसऱ्यांदा आयर्न मॅन बनले आहेत.
वयाच्या 54 व्या वर्षी असा पराक्रम करणारे पोलिस दलातील ते अधिकारी ठरले असून ही स्पर्धा व्हिएतनाममधील फुकॉक येथे रविवारी झालीय.
या स्पर्धेत संदीप गुरमे यांनी 6 तास 59 मिनिटे आणि 50 सेकंद असा वेळ नोंदवत ही स्पर्धा सलग तिसऱ्यांदा यशस्वीरीत्या पूर्ण केली.
अ‍ॅथलेटिक्सची आवड असणाऱ्या गुरमे यांनी याआधी विरळ ऑक्सिजन असलेल्या मनाली (4000 फूट उंची) ते लेह लडाख खारदूगला (18000 फूट) 550 किमी सायकलिंग करण्याचा विक्रम नोंदविला (2019) आहे.
तसेच त्यांमी सन 2022 आणि 23 मध्ये सलग दोनदा इस्टोनिया मधील टल्लीन येथे आयर्न मॅन किताब पटकावला होता.