Jagdish Patil
कॅथॉलिक चर्चचे प्रमुख असलेले पोप फ्रान्सिस यांचं सोमवारी वयाच्या 88 व्या वर्षी निधन झालं.
पोप फ्रान्सिस यांच्या निधनानंतर आता नव्या पोपची निवड करण्याची प्रक्रिया सुरू झाली आहे.
पोप हे पद आयुष्यभरासाठी असतं. मात्र, या पदावरील व्यक्तीचं निधन झाल्यास किंवा त्या व्यक्तीने राजीनामा दिल्यास नवीन पोप निवडला जातो.
2013 मध्ये पोप बेनेडिक्ट सोळावे यांनी राजीनामा दिला होता. पदावर असताना राजीनामा देणारे ते सहाशे वर्षांतील पहिले पोप होते.
तर कॅथॉलिक परंपरेनुसार नव्या पोपची निवड करताना 'पॅपल कॉनक्लॅव्ह'चे आयोजन केलं जातं. कार्डिनल म्हणजे कॅथॉलिक चर्चमधील सर्वोच्च पदावरील पाद्री पोपची निवड करतात.
कार्डिनल हे जगभरातील विशप आणि व्हॅटिकनचे अधिकारी असतात. खासगी स्तरावर त्यांची निवड पोप करतात. यासाठी कार्डिनल अनेक बैठका घेतात.
यावेळी आफ्रिकी किंवा आशियाई पोपची निवड होऊ शकते. यामध्ये फिलिपिन्सचे कार्डिनल लुईस अँटोनिओ तागले आणि घानाचे कार्डिनल पीटर तुर्कसन यांची नावे चर्चेत आहेत.
पोप या पदावर केवळ पुरुषाचीच नियुक्ती केली जाते. यासाठी वयाची कोणतीही अट नसते.