Aslam Shanedivan
पोस्ट ऑफिसच्या पब्लिक प्रॉव्हिडंट फंड अर्थात PPF योजनेतून दीर्घकालीन गुंतवणूक, चक्रवाढ व्याज आणि करसवलतीमुळे कोट्याधीश होता येतं
यासाठी 15X5X5 फॉर्म्युल्याचा वापर करून तब्बल 25 वर्षे गुंतवणूक ठेवल्यास 1 कोटी रुपयांपेक्षा जास्त पैसे जमा होतील.
PPF ही सरकारची दीर्घकालीन बचत योजना असून या योजनेवर 7.1 टक्के वार्षिक व्याजदर मिळतो. तर हा वेळोवेळी बदलूही शकते.
PPF खात्यात मोठी रक्कम असणे आवश्यक नाही. या योजनेत किमान 500 रुपयांपासून गुंतवणूक सुरू करता येते. एका आर्थिक 1.5 लाख रुपये गुंतवता येतात.
PPF खात्याचा मूळ कालावधी हा 15 वर्षांचा असतो. मात्र, 15 वर्षे पूर्ण झाल्यानंतर ते 5-5 वर्षांच्या कालावधीसाठी पुढे वाढवता येते.
मूळ कालावधी 15 वर्षे आणि त्यानंतर दोन वेळा 5-5 वर्षे अशा प्रकारे गुंतवणुकीची मुदत 25 वर्षे होते. यात चक्रवाढ व्याजाचा मोठा फायदा मिळू शकतो.
PPF मध्ये एका वर्षाला जास्तीत जास्त 1.5 लाख रुपये असे 15 वर्षांत 22.50 लाख रुपये होतात. 7.1 टक्के व्याजदर गृहीत धरल्यास 15 वर्षांनंतर व्याजासह हा निधी सुमारे 40.68 लाख रुपयांपर्यंत जातो.
अशाच पद्धतीने मूळ कालावधीनंतर दोनदा 5-5 वर्षांची मुदतवाढ घेऊन गुंतवणूक सुरू ठेवल्यास 25 वर्षांनंतर 1.03 कोटी रुपये होऊ शकतात.