Jagdish Patil
पोस्ट ऑफिसने एक योजना आणली आहे. ज्यामध्ये रोज फक्त 500 रुपयांची बचत करून तुम्ही 25 लाखांचा फंड तयार करू शकता.
या योजनेत केवळ व्याजातून 7.62 लाख मिळू शकतात, तर पोस्ट ऑफिसची रिकरिंग डिपॉझिट योजना नेमकी काय आहे ते जाणून घेऊया.
पोस्ट ऑफिस RD योजनेत सध्या 6.7% व्याजदर मिळत असून, किमान 100 रुपयांपासून खाते सुरू करता येते.
या योजनेचा मूळ मॅच्युरिटी कालावधी 5 वर्षांचा आहे. मात्र, गुंतवणूकदाराला ही मुदत आणखी 5 वर्षांसाठी वाढवता येते.
रोज 500 रुपये बचतीनुसार महिन्याला 15,000 रुपये जमा करता येतात आणि ही रक्कम RDमध्ये नियमितपणे गुंतवता येते.
महिना 15 हजार गुंतवल्यास 5 वर्षांत 9 लाखांची गुंतवणूक होते. 5 वर्षांनंतर सुमारे 1,70,492 रुपये व्याज मिळून एकूण 10,70,492 रुपये होऊ शकतात.
पाच वर्षांची मुदत पूर्ण झाल्यानंतर RD पुढील 5 वर्षांसाठी सुरू ठेवल्यास एकूण गुंतवणुकीचा कालावधी 10 वर्षे होतो.
10 वर्षांत तुमची एकूण गुंतवणूक 18 लाख रुपये होईल. या गणितानुसार 10 वर्षांनंतर एकूण फंड 25,62,822 रुपये होऊ शकतो.
म्हणजेच, 18 लाख रुपयांच्या एकूण गुंतवणुकीवर सुमारे 7,62,822 रुपये व्याज मिळू शकते.
त्यामुळे रोजच्या 500 रुपयांच्या बचतीतून 10 वर्षांत 25 लाखांहून अधिक रुपयांचा फंड जमा होऊ शकतो.