Rashmi Mane
राष्ट्रपती द्रौपदी मुर्मू या येत्या 27 ते 29 जुलैदरम्यान राज्याच्या दौऱ्यावर येणार होत्या पण अपरिहार्य कारणामुळे हा दौरा रद्द करण्यात येत असल्याचे राष्ट्रपती कार्यालयाने कळविले आहे.
राष्ट्रपती पुणे, कोल्हापूर, मुंबई, नांदेड, लातूर येथील विविध कार्यक्रमांना भेट देणार होत्या.
महाराष्ट्रातील पूरस्थिती तसेच अन्य कारणांमुळे दौरा रद्द केल्याचे समजते.
राष्ट्रपती मुर्मू यांचे कोल्हापूर जिल्ह्यातून २८ जुलैला सायंकाळी सहा वाजता पुण्यात आगमन होणार होते. त्यानंतर राजभवन येथे मुक्काम नियोजित होता.
कोल्हापुरात पावसाचा जोर कायम असल्याने पंचगंगा नदीसह वारणा नदीला देखील महापूर आला आहे. त्यामुळे रविवारचा कोल्हापूर जिल्ह्यातील दौरा महापुरामुळे रद्द झाल्याची माहिती समोर येत आहे.
मुंबई येथे विधानसभेच्या शतक महोत्सवानिमित्त 'वरिष्ठ सभागृहाची आवश्यकता आणि महत्त्व' या ग्रंथाचे प्रकाशन त्यांच्या हस्ते होणार होते. मात्र, अपरिहार्य कारणास्तव राष्ट्रपती मुर्मू यांचा महाराष्ट्र दौरा पुढे ढकलण्यात आल्याचे कळविण्यात आले आहे.