Rajanand More
भारतीय हवाई दलातील स्क्वॉड्रन लीडर शिवांगी सिंह पुन्हा चर्चेत आल्या आहेत. सोशल मीडियात त्यांचा एक फोटो तुफान व्हायरल होत आहे.
शिवांगी यांचा हाच तो फोटो. या फोटोमध्ये त्या राष्ट्रपती द्रौपदी मुर्मू यांच्यासोबत दिसत आहेत. राष्ट्रपतींनी बुधवारी (ता. 29) राफेल लढाऊ विमानाची सफर केली. यावेळी शिवांगी सोबत होत्या.
फोटो व्हायरल होण्यामागे मोठं कारण आहे. ऑपरेशन सिंदूरदरम्यान पाकिस्तानने शिवांगी यांच्याविषयी काही खोटे दावे केले होते.
पाकिस्तानमधील सोशल मीडियामध्ये शिवांगी सिंह यांचे विमान पाडल्याचे आणि त्यांना अटक केल्याचा खोटा दावा करण्यात आला होता. भारताकडून तातडीने हा दावा खोटा असल्याचे म्हटले होते.
शिवांगी या राफेलच्या पहिल्या महिला पायलट आहेत. सध्या त्या अंबाला येथील विशिष्ट गोल्डर एरो स्कॉड्रनमध्ये आहेत. मुळच्या उत्तर प्रदेशातील.
2017 मध्ये महिला लढाऊ वैमानिकांच्या दुसऱ्या तुकडीतून भारतीय हवाई दलाच्या सेवेत दाखल. जेड विमानांच्या उड्डाणामध्ये तरबेज.
तीन वर्षांतच म्हणजे 2020 मध्ये त्यांना राफेल पायलट प्रशिक्षणासाठी निवडण्यात आले. नुकतेच त्यांना तमिळनाडू येथे क्वालिफाईड फ्लाईंग इंन्स्ट्रक्टर बॅज मिळाला आहे.
राष्ट्रपीत द्रौपदी मुर्मू यांच्यासोबतचा शिवांगी यांचा फोटो खास ठरला आहे. भारतीय हवाई दलासाठी हा दिवस अविस्मरणीय आहे.