Roshan More
पुणे जिल्हा मध्यवर्ती बँकेकडून जिल्ह्यातील १ लाख ८ हजार ४१ थकीत कर्जदारांचा तपशील पोर्टलवर अपलोड करण्यात आला आहे. या कर्जदारांना कर्जमाफीचा लाभ मिळणार आहे.
अपलोड करण्यात आलेली कर्जदार खातेदारांमध्ये बारामती तालुक्यातील १३ हजार ७२८ जणांचा समावेश आहे.
आंबेगाव तालुक्यात ३ हजार ३९०, भोर ७ हजार २४२, दौंड १९ हजार ५६२ जणांचा समावेश आहे.
हवेली तालुक्यातील ४ हजार १६८, इंदापूर तालुक्यातील १८ हजार ८१८ तर जुन्नरमधील ७ हजार ७७८ शेतकऱ्यांचा समावेश यामध्ये आहे.
खेड तालुक्यातील ७ हजार ८५३, मावळ तालुक्यातील ५ हजार १७२ तर, मुळशील २ हजार ३८७, वेल्हा १ हजार ८८८ थकीत शेतकऱ्यांना कर्जमाफी मिळणार आहे.
पुरंदर ७ हजार ९०३, शिरुर ८ हजार ४५२ थकीत कर्ज खातेदार आहेत.
जिल्ह्यातील ११३ शेतकरी पात्र असूनही मयत असल्याने व अशा शेतकऱ्यांची वारस नोंद न झाल्याने अशा खात्याची माहिती अपलोड करता आलेली नाही. त्यामुळे ते कर्जमाफीपासून वंचित राहण्याचा धोका आहे.