Mangesh Mahale
पुण्यात मेट्रोच्या डब्यांची संख्या तीनवरून सहापर्यंत वाढविण्यासाठी महामेट्रोने तयारी सुरू केली आहे. विस्तारित मार्गिकांसाठी दोन टप्प्यांत अनुक्रमे १२ व १५ ट्रेन नव्याने दाखल होणार आहेत.
मेट्रोच्या डब्यांची संख्या तीनवरून सहापर्यंत वाढविण्यासाठी ‘अर्बन मास ट्रान्झिट कंपनी’कडून सविस्तर प्रकल्प अहवाल तयार केला आहे.
मेट्रोच्या विस्तारित मार्गिकांसह टप्पा-२ मधील सर्वच मार्गांची कामे २०३० अखेरपर्यंत पूर्ण करण्यात येणार आहे, असे ‘महामेट्रो’चे व्यवस्थापकीय संचालक श्रावण हर्डीकर यांनी सांगितले.
शिवाजीनगर येथील बस स्थानक उभारण्यासंदर्भात ‘महामेट्रो’ व महाराष्ट्र राज्य परिवहन महामंडळ (एमएसआरटीसी) यांच्यातील कराराचा मसुदा अंतिम झाला आहे.
शिवाजीनगर येथील एसटी स्थानकासाठी निविदा काढून त्याच्या पुढील कामाला गती देण्यात येणार आहे. येथे एसटी स्थानक व बस पार्किंग उभारले जाणार आहे. पीपीपी तत्त्वावर जागेचा विकास केला जाणार आहे.
पुणे मेट्रोतून प्रवास करणाऱ्यांची संख्या सातत्याने वाढत असून, गेल्या आर्थिक वर्षात दोन्ही मार्गिकांवरून सात कोटी आठ लाख प्रवाशांनी प्रवास केला आहे.
तिकिटांतून ११२ कोटी रुपयांचे उत्पन्न प्राप्त झाले आहे.तिकिटांशिवायच्या इतर उत्पन्न स्रोतांद्वारे २१ कोटी रुपयांचे उत्पन्न मिळाले आहे.