Rashmi Mane
पुणे स्थानक मध्य रेल्वेचे एक अत्यंत महत्त्वाचे केंद्र आहे. देशभरातील शहरांना जोडणारे हे स्थानक आता 100 वर्षात पदार्पण करत आहे.
यातच आता पुणे रेल्वे स्थानकाचं नाव थोरले बाजीराव पेशवे करण्यात यावं, अशी मागणी भाजपच्या महिला खासदार मेधा कुलकर्णी यांनी केली आहे.
पुणे स्थानकाचे पहिले डिझाईन 1915 मध्ये तयार झाले. ब्रिटिश अधिकाऱ्यांच्या मार्गदर्शनाखाली 1922 मध्ये काम सुरू होऊन 1925 मध्ये पूर्ण झाले.
27 जुलै 1925 रोजी मुंबईचे गव्हर्नर सर लेस्ली विल्सन यांच्या हस्ते नवीन इमारतीचे उद्घाटन करण्यात आले.
लंडनमधील GIP रेल्वे कंपनीने पुणे जंक्शनचा विकास केला. ब्रिटिश लष्कराच्या दृष्टीने पुणे हे महत्त्वाचे केंद्र होते.
पुणे रेल्वे स्थानकाला हेरिटेज दर्जा देण्यात आला आहे. तसेच मॉडेल रेल्वे स्टेशन म्हणूनही गौरव प्राप्त झाला आहे.
आज या स्थानकातून 275+ गाड्या धावत असून लाखो प्रवासी दररोज ये-जा करतात. तरीही 6 प्लॅटफॉर्म अपुरे पडत आहेत.
स्थानकाच्या आवारातील वाहतूक, पार्किंग, सुरक्षा व अनधिकृत प्रवेश ही मोठी आव्हाने ठरत आहेत. आधुनिक सुविधांची नितांत गरज आहे.