Akshay Sabale
वसंत मोरे यांनी शिवसेनेत ( ठाकरे गट ) प्रवेश केला आहे. 18 वर्षांनंतर मोरे स्वगृही परतले आहेत. त्यानिमित्त मोरे यांचा राजकीय प्रवास जाणून घेऊया..
1993 मध्ये वसंत मोरे पहिल्यांदा शाखाप्रमुख झाले. त्यानंतर ते कॅन्टोन्मेंट मतदारसंघाचे उपविभाग प्रमुख होते.
2006 ला राज ठाकरे यांच्यासोबत गेल्यानंतर 2007 ला झालेल्या महापालिकेच्या निवडणुकीत वसंत मोरे नगरसेवक म्हणून निवडून आले.
2012 मध्ये देखील मोरे दुसऱ्यांदा नगरसेवक म्हणून निवडून आले. नगरसेवकांची संख्या वाढल्याने ते महापालिकेत विरोधी पक्षनेते झाले.
2017 मध्ये वसंत मोरे यांनी तिसऱ्यांदा नगरसेवकपदाची निवडणूक जिंकली. यावेळी मनसेचे अवघे दोन नगरसेवक निवडून आले. तेव्हा, वसंत मोरे यांना मनसेचे गटनेते करण्यात आलं.
नगरसेवक पदाच्या कार्यकाळात त्यांनी स्थायी समितीचे सदस्य पद, स्मार्ट सिटी सदस्य अशा पदांवर काम केलं.
2021 मध्ये राज ठाकरे यांनी वसंत मोरे यांना बोलवून पुणे शहराध्यक्षपदाची माळ त्यांच्या गळ्यात घातली. पण, 12 मार्च 2024 मध्ये मोरे यांनी मनसेला 'राम-राम' ठोकला.
2024 च्या लोकसभा निवडणूक मोरे यांनी वंचित बहुजन आघाडीकडून लढली. मात्र, या निवडणुकीत मोरे यांना अनामत रक्कमही वाचवता आली नाही.
18 वर्षानंतर पुन्हा मोरे यांनी उद्धव ठाकरे यांच्या उपस्थितीत शिवसेनेत प्रवेश केला. ते खडकवास किंवा हडपसरमधून विधानसभा निवडणूक लढण्यास इच्छुक आहेत.