Deepak Kulkarni
हल्लीच्या काळात कमी कष्ट, भरपूर पैसा अन् ऐशोरामाचं जीवन बऱ्याच जणांना हवं असतं.
एकमेकांना संपत्तीसाठी संपवण्यात आल्याच्या अनेक घटना घडतात. अशा समाजात काही कौतुकास्पद घटनाही आजूबाजूला घडत असतात.
पण आजही पैशांपेक्षा माणुसकी,प्रामाणिकपणाच सर्वश्रेष्ठ आहे हे सिध्द करणारी घटना समोर आली आहे.
पुणे शहरात कचरा वेचणाऱ्या एका महिलेला तब्बल 10 लाखांची रोकड असलेली बॅग सापडली
बॅगेत एकदम 10 लाख रुपये दिसताच कुणाचीही मती फिरली असती, पण या महिलेनं मोहाला बळी न पडता आपल्यातला प्रामाणिकता जपली.
अंजू माने असं या प्रामणिक कचरा वेचक महिला सेविकेचे नाव आहे. त्या गेल्या वीस वर्षांपासून सदाशिव पेठ भागात काम करत असतात.
दोन दिवसांपूर्वी कचरा वेचत असताना त्यांना एक बॅग सापडली होती. हॉस्पिटल जवळ असल्याने त्यांनी ती कुणाचीतरी औषधांची बॅग असेल असं समजून बॅग आपल्याजवळ ठेवली.
पण त्यांनी जेव्हा बॅग उघडली,तेव्हा त्यांना मोठा धक्का बसला,कारण बॅगेत तब्बल 10 लाख रुपये होते.
त्यांनी बॅग परत करण्यासाठी शोध सुरु केला. याचवेळी घाबरलेली एक व्यक्ती त्यांना दिसली.सापडलेली बॅग त्यांचीच असल्याची खात्री करत त्यांना दहा लाख रक्कम परत केले. त्यांच्या या प्रामणिकपणाची सोशल मीडियावर चर्चा आहे. साडीसह रोख रक्कम देत त्यां: चा सत्कारही केला.