Rashmi Mane
आजकाल पेमेंट खूप सोपं झालंय पण मोबाईल उचलला, QR कोड स्कॅन केला आणि पैसे ट्रान्सफर होतात. पण हीच सोपी पद्धत आता फसवणूक करणाऱ्यांचं मोठं हत्यार बनली आहे.
अनेकजण न विचारता कुठलाही QR कोड स्कॅन करतात. “स्कॅन करा, पैसे मिळतील” असं सांगितलं की लोक लगेच विश्वास ठेवतात आणि इथेच फसवणूक होते.
QR कोडचा वापर पैसे पाठवण्यासाठी होतो, घेण्यासाठी नाही. ही साधी गोष्ट लक्षात ठेवली, तर अनेक स्कॅम टाळता येतात.
तुम्ही पैसे पाठवत आहात की मिळवणार आहात? गोंधळ इथेच होतो. घाईत किंवा लालसेमुळे लोक चुकीचा निर्णय घेतात.
पैसे मिळवण्यासाठी कधीही UPI पिन टाकावा लागत नाही. जर स्कॅन केल्यानंतर पिन टाकायला सांगितलं, तर समजा पैसे तुमच्याच खात्यातून जाणार आहेत.
आजकाल बनावट QR कोड मोठ्या प्रमाणात वापरले जातात. दुकानातील मूळ कोडवर स्टिकर लावून फसवणूक केली जाते.
कोड वाकलेला, उखडलेला किंवा वरून चिकटवलेला दिसत असेल तर सावध राहा. स्कॅन केल्यावर दिसणारं नाव दुकानाच्या नावाशी जुळतंय का ते नक्की तपासा.
रिवॉर्ड मिळेल, पेमेंट पेंडिंग आहे, अशा गोष्टींना बळी पडू नका. थोडा विचार करूनच स्कॅन करा कारण तुमची एक चूक महागात पडू शकते!