Jagdish Patil
आम आदमी पक्षाचे राज्यसभेचे खासदार राघव चड्ढा यांना पक्षाचे उपनेतेपदावरून हटवलं आहे.
पक्षाने राज्यसभा सचिवालयाला पत्र लिहित त्यांना बोलण्यासाठी पक्षाचा वेळ देऊ नये, असं सांगितलं आहे.
राघव चड्ढा सर्वसामान्य लोकांशी संबंधित अनेक महत्त्वाच्या मु्द्द्यावर राज्यसभेत आवाज उठवायचे.
त्यामुळे त्यांचा आवाज पक्षाने का दाबला असा सवाल उपस्थित केला जात आहे.
याच पार्श्वभूमीवर खासदार राघव चड्ढा यांचा राजकीय प्रवास कसा आहे ते जाणून घेऊया.
राघव हे व्यवसायाने चार्टर्ड अकाउंटंट (CA) असून यांनी लंडन स्कूल ऑफ इकॉनॉमिक्समधून उच्च शिक्षण घेतलंय.
2015 साली 26 व्या वर्षी त्यांची आम आदमी पार्टीच्या राष्ट्रीय कोषाध्यक्षपदी निवड झाली.
आपचे सर्वेसर्वा अरविंद केजरीवाल यांचे विश्वासू सहकारी अशी त्यांची ओळख निर्माण होती.
2020 साली ते पहिल्यांदा आमदार झाले. तर एप्रिल 2022 मध्ये त्यांची पंजाबमधून राज्यसभेवर बिनविरोध निवड झाली.
24 सप्टेंबर 2023 रोजी त्यांनी बॉलीवूड अभिनेत्री परिणीती चोप्रासोबत लग्न केलं.
दरम्यान, मागील काही दिवसांत संसदेत सामान्य माणसांशी निगडीत मुद्दे उपस्थित केल्यामुळे ते प्रचंड लोकप्रिय झाले होते.