Rashmi Mane
मनसे अध्यक्ष राज ठाकरे यांनी आज मुख्यमंत्री एकनाथ शिंदे यांची वर्षा निवासस्थानी भेट घेतली.
यावेळी मुख्यमंत्र्यांनी ठाकरे यांचे पुष्पगुच्छ देऊन स्वागत केले.
मनसे नेते आणि माजी आमदार बाळा नांदगावकर हे देखील यावेळी उपस्थित होते.
‘वर्षा’ बंगल्यावरील या वर्षभरातील राज ठाकरे आणि मुख्यमंत्री एकनाथ शिंदे यांची सहावी भेट होती.
यावेळी राज ठाकरे आणि एकनाथ शिंदे यांच्यात मराठी पाट्या आणि टोलच्या मुद्द्यावर चर्चा करण्यात आली.
मनसे अध्यक्ष राज ठाकरे यांनी २ डिसेंबर २०२३ रोजी मुख्यमंत्र्यांची भेट घेतली होती.
आगामी विधानसभा लोकसभा निवडणुकीच्या पार्श्वभूमीवर मागील काही दिवसात राज ठाकरे आणि मुख्यमंत्री शिंदे यांच्यात सतत होणाऱ्या भेटीमुळे वेगवेगळ्या चर्चा देखील राजकीय वर्तुळात होत आहे.