Deepak Kulkarni
काँग्रेसच्या माजी अध्यक्षा सोनिया गांधी व राहुल गांधी यांच्या विश्वासू मानल्या जाणाऱ्या खासदार रजनी पाटील यांच्यावर मोठी जबाबदारी सोपविली आहे.
सात राज्यांत लोकसभा निवडणुकीसाठी उमेदवार चाचपणीसाठी काँग्रेसच्या समितीच्या त्या अध्यक्षा असतील. पक्षाचे सरचिटणीस सी. वेणूगोपाल यांनी याबाबत पत्र प्रसिद्ध केले आहे.
रजनी पाटील यांनी एनएसयूआय या काँग्रेसच्या विद्यार्थी संघटनेतून आपल्या राजकीय कार्यास प्रारंभ केला.
सोनिया गांधींच्या किचन कॅबिनेटमधील एक नेत्या अशी त्यांची ओळख आहे.
रजनी पाटील या महाराष्ट्राचे माजी मुख्यमंत्री वसंतदादा पाटील यांच्या मानस कन्या आहेत
त्या मूळच्या सांगली जिल्ह्यातल्या आहेत. लग्नानंतर त्या मराठवाड्यात स्थायिक झाल्या.
त्या मूळच्या काँग्रेसमधल्या. त्यांनी यापूर्वी बीडमधून लोकसभा निवडणूक लढवली होती. 1996 मध्ये त्या लोकसभेवर निवडून गेल्या होता. भाजपकडून त्या निवडून गेल्या होत्या.
यानंतर 1998 मध्ये त्यांनी पुन्हा काँग्रेसमध्ये प्रवेश केला होता...
दिवंगत खासदार राजीव सातव यांच्या निधनाने रिक्त झालेल्या जागेवर पक्षाने त्यांना राज्यसभेची संधी दिली. त्यांनी उत्कृष्ट संसदपटू अशी आपली वेगळी ओळख तयार केली आहे.