Vijaykumar Dudhale
हर्षवर्धन जाधव हे 2004 मध्ये राजकारणात आले. त्या वर्षी विधानसभेची निवडणूक त्यांनी अपक्ष म्हणून लढवली, पण त्यात ते पराभूत झाले.
महाराष्ट्र नवनिर्माण सेनेच्या तिकिटावर 2009 मध्ये हर्षवर्धन जाधव यांनी कन्नड विधानसभा मतदारसंघातून निवडणूक जिंकली. पाच वर्षांच्या आतच त्यांनी पक्षांतर्गत मतभेदामुळे मनसेला सोडचिठ्ठी दिली.
हर्षवर्धन जाधव यांनी त्यानंतर शिवसेनेत प्रवेश करून 2014 ची विधानसभा निवडणूक लढवली आणि पुन्हा एकदा विजय मिळविला.
औरंगाबाद (आताचे छत्रपती संभाजीनगर) मतदारसंघातून हर्षवर्धन जाधव यांनी 2019 ची लोकसभा निवडणूक लढवली. मात्र त्या निवडणुकीत त्यांचा पराभव झाला.
कन्नड विधानसभा मतदारसंघातून 2019 मध्ये पुन्हा त्यांनी निवडणूक लढवली. मात्र, शिवसेनेच्या उदयसिंग राजपूत यांनी हर्षवर्धन जाधव यांचा पराभव करत विजय मिळविला.
हर्षवर्धन जाधव हे 2024 मध्ये अपक्ष म्हणून संभाजीनगर लोकसभा मतदारसंघातून निवडणूक लढवत आहेत, त्यांना स्वाभिमानी शेतकरी संघटनेने पाठिंबा दिला आहे.
माजी केंद्रीय रेल्वे राज्यमंत्री तथा भाजप नेते रावसाहेब दानवे यांची कन्या संजना यांच्याशी हर्षवर्धन जाधव यांचा विवाह झाला होता.
संजना जाधव यांच्याशी घटस्फोट घेतल्यानंतर हर्षवर्धन जाधव यांनी प्रसिद्ध मानसोपचार तज्ज्ञ ईशा झा यांच्याशी विवाह केला.