Jagdish Patil
भाजपचे राज्यसभेचे खासदार रामराव वडकुते यांचं रविवारी पहाटे हृदयविकाराच्या झटक्याने निधन झालं.
वडकुते महाराष्ट्रातून राज्यसभेचे खासदार झाल्यानंतर अवघ्या आठ महिन्यातच ही दु:खद घटना घडली.
धनगर समाजाला अनुसूचित जमातीतून आरक्षण मिळावे या मागणीसाठी खासदार वडकुतेंनी खूप कष्ट घेतले.
त्यांनी १९८८ मध्ये धनगर समाज उन्नती मंडळ, परभणीच्या अध्यक्षपदापासून सामाजिक कार्याला सुरुवात केली.
शरद पवार यांच्या नेतृत्वाखाली त्यांनी राष्ट्रवादी काँग्रेसमध्ये सक्रियपणे काम केले.
२००२ ते २००५ या काळात त्यांनी पुण्यश्लोक अहिल्यादेवी शेळी व मेंढी विकास महामंडळाचे अध्यक्षपद भूषवले.
२००४ मध्ये राष्ट्रवादीकडून हिंगोलीतील कळमनुरी विधानसभेची निवडणूक लढवली; मात्र त्यांना पराभवाला सामोरे जावे लागले.
२००५ मध्ये अजित पवारांनी त्यांची महानंदाच्या संचालकपदी नियुक्ती केली.
२०१२ मध्ये राष्ट्रवादीने पुन्हा त्यांच्याकडे पुण्यश्लोक अहिल्यादेवी विकास महामंडळाच्या अध्यक्षपदाची जबाबदारी दिली.
२०१४ मध्ये राष्ट्रवादीने त्यांची विधानपरिषदेवर नियुक्ती केली. तर १४ ऑक्टोबर २०१९ रोजी त्यांनी राष्ट्रवादीतून भाजपमध्ये प्रवेश केला.
प्रवेशानंतर भाजपने त्यांच्याकडे हिंगोली जिल्हाध्यक्षपदाची जबाबदारी सोपवली. तर मार्च 2026 मध्ये त्यांना राज्यसभेवर पाठवलं.