Vijaykumar Dudhale
काँग्रेस सोडून भारतीय जनता पक्षात 2019 मध्ये प्रवेश केलेले फलटणचे रणजितसिंह नाईक- निंबाळकर यांना माढ्यातून लोकसभेची उमेदवारी देण्यात आली होती.
रणजितसिंह निंबाळकर हे काँग्रेसमध्ये माजी मुख्यमंत्री पृथ्वीराज चव्हाण यांचे समर्थक म्हणून ओळखले जात होते.
लोकसभेच्या 2019 च्या निवडणुकीत निंबाळकर यांनी माढ्यातून 85 हजारांच्या मतांनी विजय मिळविला होता.
मागील लोकसभा निवडणुकीत माळशिरस विधानसभा मतदारसंघातून मोहिते पाटील यांनी निंबाळकर यांना सुमारे एक लाखाचे मताधिक्य दिले होते.
मोहिते पाटील यांच्याशी बिनसल्याने यंदा निंबाळकर यांच्या उमेदवारीला त्यांनी विरोध केला होता. मोहिते पाटील यांच्यासह निंबाळकरांचे पारंपरिक विरोधक रामराजेंनीही रणजितसिंहांना उमेदवारी मिळू देणार नाही, अशी भूमिका घेतली आहे.
महायुतीतील दोन महत्त्वाच्या नेत्यांनी निंबाळकर यांच्या उमेदवारीला विरोध केला हाेता. मात्र, माढा मतदारसंघातील फलटण वगळता सर्व आमदारांनी निंबाळकर यांना पाठिंबा दर्शविला होता.
साताऱ्याचे भाजप जिल्हाध्यक्ष जयकुमार गोरे यांनी निंबाळकर यांच्या उमेदवारीसाठी पक्षश्रेष्ठींकडे आपले वजन वापरल्याचे सांगितले जाते. याशिवाय आमदारांनीही त्यांना समर्थन दिले.
निंबाळकर यांना उमेदवारी जाहीर झाली असली तरी मतदारसंघात महत्त्वाची भूमिका बजावणारे मोहिते पाटील आणि रामराजे यांची भूमिका काय असणार, याकडे संपूर्ण माढ्याचे लक्ष असणार आहे.
R
राजघराण्यातील 'या' सूनबाईंची काँग्रेसमधून भाजपमध्ये उडी...