Sachin Waghmare
जालना लोकसभा मतदारसंघातून रावसाहेब दानवे यांनी सहाव्यांदा उमेदवारी अर्ज दाखल केला.
कडक उन्हापासून बचाव करतांना दानवे यांनी चांगलीच खबरदारी घेतली.
डोक्यावर टोपी, कानाला रुमाल त्यावर भले मोठे उपरणे, डोळ्यावर काळा गाॅगल अन् गळ्यात हारांच्या माळा.
उमेदवारी अर्ज दाखल करताना दानवे यांच्या या खतरनाक लूकचीच सर्वाधिक चर्चा होती.
पाच वर्षापुर्वी ऐन लोकसभा निवडणुकीत सनस्ट्रोक झाल्याने रावसाहेब दानवे यांना प्रचारच करता आला नव्हता.
यावेळी मात्र दानवे यांनी कुठलीच रिस्क न घेता उन्हापासून बचावासाठी चांगलाच बंदोबस्त केला होता.
दानवे यांच्या शक्ती प्रदर्शनाच्या मिरवणूकीत भाजपचे प्रदेशाध्यक्ष चंद्रशेखर बावनकुळे, मंत्री अतुल सावे, अब्दुल सत्तार, संदीपान भुमरे सहभागी झाले होते.
महायुतीचे दानवे यांच्याविरोधात महाविकास आघाडीचे डाॅ. कल्याण काळे हे मैदानात आहेत.
रावसाहेब दानवे हे जालन्यातून विजयी षटकार ठोकण्याच्या तयारीत आहेत.
महायुती विरुद्ध महाविकास आघाडी अशी थेट लढत जालन्यात होणार असल्याने याकडे संपुर्ण राज्याचे लक्ष असणार आहे.