Jagdish Patil
रिझर्व्ह बँक ऑफ इंडिया देशात प्लॅस्टिक किंवा पॉलिमर नोटा चलनात आणण्याचा विचार करत आहे.
पाटणा आणि मुंबईत झालेल्या संचालक मंडळाच्या बैठकीत या संदर्भात चर्चा झाल्याची माहिती समोर आली आहे.
रोख रकमेची वाढती मागणी, कागदी नोटांच्या छपाईचा खर्च आणि लगेच खराब होण्याच्या समस्येमुळे नवीन पर्याय शोधला जात आहे.
याच पार्श्वभूमीवर रिझर्व्ह बँक प्लॅस्टिक नोटांचा पायलट प्रकल्प लवकरच सुरू करण्याची शक्यता वर्तवली जात आहे.
कागदी नोटांपेक्षा या नोटा कमी खर्चात तयार केल्या जाऊ शकतात आणि त्यांची लाईफही जास्त असते.
याच पार्श्वभूमीवर आता जगात कोणकोणत्या देशात प्लॅस्टिक नोटा वापरल्या जातात ते जाणून घेऊ या.
सध्या जगभरातील 60 देश प्लॅस्टिकच्या नोटा वापरतात. यापैकी काही देशांनी कागदी चलनाता वापर पूर्णपणे बंद केला आहे.
ऑस्ट्रेलिया हा प्लॅस्टिकच्या नोटा चलनात आणणारा जगातील पहिला देश असून 1988 पासून इथे पॉलिमर नोटा वापरतात.
न्यूझीलंडने 1999 मध्ये आपल्या सर्व कागदी नोटा चलनातून काढल्या आणि प्लॅस्टिक नोटांचा वापर सुरू केला.
ब्रुनेइ देशही प्लास्टीक नोटा वापरतो तर व्हिएतनामने 2003 मध्ये पॉलिमर नोटा चलनात आणल्या आहेत.
रोमानियाने 2005 मध्ये पॉलिमर नोटाचा वापर सुरू केला. तर पापुआ न्यू गिनी या देशातही केवळ प्लॅस्टिक नोटा वापरतात.