Ganesh Sonawane
गावच्या सरपंचाची निवड थेट जनतेतून होते. सरपंचाला राजीनामा द्यायचा असल्यास पंचायत समितीच्या सभापतींकडे लिखित स्वरूपात (स्वतःच्या सहीने) द्यावा लागतो.
तर, उपसरपंचाची निवड ग्रामपंचायतीच्या निवडून आलेल्या सदस्यांमधून होते. उपसरपंचाला राजीनामा द्यायचा असल्यास तो सरपंचाकडे द्यावा लागतो.
पंचायत समिती सभापतींना राजीनामा द्यायचा असल्यास तो जिल्हा परिषद अध्यक्षांकडे द्यावा लागतो. तर पंचायत समिती उपसभापतींना पंचायत समिती सभापतींकडे राजीनामा द्यावा लागतो
जिल्हा परिषद अध्यक्ष हे आपला राजीनामा विभागीय आयुक्तांकडे देतात. तर जिल्हा परिषद उपाध्यक्ष जिल्हा परिषद अध्यक्षांकडे राजीनामा देतात.
नगरपालिका किंवा नगरपंचायतीच्या नगराध्यक्षांना राजीनामा द्यायचा असेल तर तो थेट जिल्हाधिकाऱ्यांकडे लिखित स्वरूपात (स्वतःच्या सहीनिशी) द्यावा लागतो.
नगरपालिका किंवा नगरपंचायतीच्या उपनगराध्यक्षांना नगराध्यक्षाकडे राजीनामा सादर करावा लागतो.
महापौराची निवड ही महानगरपालिकेच्या निवडून आलेल्या नगरसेवकांमधून होते. त्यांना राजीनामा द्यायचा असल्यास विभागीय आयुक्तांकडे द्यावा लागतो.
तर, उपमहापौराची निवड देखील नगरसेवकांमधूनच होते. उपमहापौर आपला राजीनामा महापौरांकडे लिखित स्वरूपात (स्वतःच्या सहीने) सादर करतात.